პარასკევი, მარტი 29, 2024
29 მარტი, პარასკევი, 2024

მასწავლებლის პროფესიული თვითგანვითარება

თვითგანვითარება
ყველა ადამიანის ფუნდამენტური მოთხოვნილებაა, თუმცა თვითგანვითარების გზები და საშუალებები
ინდივიდუალურია, განპირობებულია რა თითოეული ჩვენგანის პიროვნული მახასიათებლებითა
და საჭიროებებით. მასწავლებლის თვითგანვითარებაზე ზრუნვა თანამედროვე განათლების უპირველესი
გამოწვევაა. პროფესიული განვითარების გარედან შეთავაზებულ აქტივობებთან შედარებით მასწავლებლის
მიერ თვითგანვითარების დაგეგმვა ეფექტიანია, რადგან ის მიმართულია პედაგოგის შინაგანი
რესურსების აქტივიზაციისაკენ და ხელს უწყობს მასწავლებლის მუდმივ პროფესიულ ზრდას,
პროფესიაში მაქსიმალურ რეალიზაციას. 

  პროფესიული
თვითგანვითარების გეგმის შედგენისას აუცილებელია საპი პირობის დაცვა:

  • ამოსავალი მდგომარეობის განსაზღვრა, ანუ მასწავლებლის
    პროფესიული საქმიანობის ძლიერი და სუსტი მხარეების გამოვლენა, პიროვნული და საქმიანი
    თვისებების არსებული დონის დადგენა.
  • იმ თეორიული საფუძვლების დამუშავება, რომლებიც
    მასწავლებელს პროფესიული განვითარებისა და წინსვლის საშუალებას მისცემს.
  • საკუთარი საქმიანობის რეფლექსია, ამ საქმიანობის
    შედეგების ანალიზი და მისი გამოყენება შემდგომის პროფესიული განვითარებისათვის.

მასწავლებლის
თვითგანვითარების პროცესი ორი ეტაპისაგან შედგება. პირველ ეტაპზე ხდება საკუთარი საქმიანობის
ანალიზი და სუსტი მხარეების დადგენა, აქედან გამომდინარე, საჭიროებების დიაგნოსტირებაც.
მეორე – დაგეგმარების ეტაპია, რომლის დროსაც განისაზღვრება თვითგანვითარების სფეროები.
მთელი ეს პროცესი შეიძლება წარმოვადგინოთ სქემის სახით, რომელზედაც კარგად ჩანს, როგორ
შეიძლება ხელი შეუწყოს  თავად პედაგოგმა საკუთარ
პროფესიულ ზრდასა და თვითრეალიზაციას.


                 

თვითანალიზსა და დიაგნოსტიკას და, საკუთარი საჭიროებებიდან
გამომდინარე, ხელახლა გეგმავს პროფესიულ თვითგანვითარებას. ეს არის პროფესიული სრულყოფის
ციკლი, რომელიც ზეაღმავალი სპირალის სახით შეიძლება წარმოვადგინოთ.

რამდენად
არის მზად მასწავლებელი პროფესიული თვითგანვითარებისათვის? სპეციალისტები ამის დადგენის
სხვადასხვა ხერხს გვთავაზობენ. გაგაცნობთ ერთ-ერთ ასეთ ხერხს – ანკეტირებას.


ინსტრუქცია:
უპასუხეთ შემდეგ შეკითხვებს დ შეაფასეთ ქულებით. 5 – თუ მოცემული დებულება სრულად შეესაბამება
რეალობას; 4 – უფრო შეესაბამება, ვიდრე არა; 3 – ნაწილობრივ შეესაბამება; 2 – უფრო
არ შეესაბამება; 1- არ შეესაბამება.


დებულება

ქულა

მე ყოველთვის ვაფასებ საკუთარ თავს.

 

მე ყოველთვის ვიტოვებ დროს თვითგანვითარებისათვის,
როგორი დაკავებულიც  უნდა ვიყო სკოლისა თუ
საოჯახო საქმეებით.

 

წარმოქმნილი სირთულეები არ მაშინებს, პირიქით, ზრდის
ჩემს აქტიურობას.

 

მე ყოველთვის ვეძებ უკუკავშირს, რადგან ის მეხმარება
უკეთესად შევაფასო ჩემი საქმიანობა, შესაძლებლობები და პიროვნული თვისებები.

 

მე ყოველთვის ვპოულობ დროს საკუთარი საქმიანობის რეფლექსიისათვის.

 

მე ვაანალიზებ ჩემს ემოციებსა და გამოცდილებას.

 

მე ბევრს ვკითხულობ.

 

მე ხშირად ვერთვები კონსტრუქციულ კამათში ჩემთვის
საინტერესო საკითხებზე.

 

მე მჯერა ჩემი შესაძლებლობების.

 

მე ვცდილობ, ვიყო ღია და გულწრფელი.

 

მე ვაცნობიერებ იმ ზეგავლენას, რომელსაც ჩემზე ახდენენ
ირგვლივ მყოფი ადამინები.

 

მე ვმართავ საკუთარ პროფესიულ განვითარებას და ვიღებ
დადებით შედეგებს.

 

მე სიამოვნებას მანიჭებს ახლის ათვისება.

 

მე არ მაშინებს ჩემზე დაკისრებული მაღალი პასუხისმგებლობა.

 

მე დადებითად შევხვდებოდი სამსახურში ჩემს დაწინაურებას.

 

 შეგიძლიათ შეაჯამოთ ქულათა
ჯამი და შეაფასოთ საკუთაი მზაობა თვითგანვითარებისათვის:

75-55
ქულა – აქტიური თვითგანვითარების დონე.

54-36
ქულა – თვითგანვითარების სისტემა არ არის კარგად ჩამოყალიბებული.  თვითგანვითარება დამოკიდებულია გარემოპირობებზე.

35-15
ქულა – თვითგანვითარების პროცესი შეჩერებულია.

ვურჩევ კოლეგებს,
გულწრფელად შეავსონ ანკეტა და კარგად გააცნობიერონ, რამდენად არიან მზად თვითგანვითარებისათვის,
რადგან სწორედ ამის  გაცნობიერების შემდეგ აქვს
აზრი საკუთარი პროფესიული მომზადების დიაგნოსტირებას, რომლის ხერხებსა და საშუალებებს
მომდევნო სტატიაში გაგაცნობთ. 

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი