ეროვნული ბიბლიოთეკის ესეების კონკურსი „წიგნიერი “

საქართველოს პარლამენტის ეროვნული ბიბლიოთეკის პროექტი „წიგნიერი”  წელს უკვე მეოთხედ ჩატარდება. კონკურსი  ელექტრონული წიგნების სახლ “საბას” და თიბისი ბანკის მხარდაჭერით პირველად გასცდება  თბილისის ფარგლებს.

კონკურსში, რომლის მიზანი სკოლის მოსწავლეებში კითხვის პოპულარიზაციაა,  X და  XI კლასის მოსწავლეები მიიღებენ მონაწილეობას. მათ სამი შერჩეული ცნობილი ნაწარმოების მიხედვით კონკურსის დღეს ესეს დაწერა დაევალებათ.

წელს კონკურსისთვის სამი ნაწარმოები – კნუტ ჰამსუნის „შიმშილი”, ალბერ კამიუს „დაცემა” და გურამ რჩეულიშვილის „შპილკა” შეირჩა.

მოსწავლეებმა წიგნები წინასწარ უნდა წაიკითხონ. ესეს სათაური კი კონკურსანტებისთვის წერის დღეს გახდება ცნობილი.

„წიგნიერს” ეროვნულ ბიბლიოთეკასთან ერთად წელს ელექტრონული წიგნების სახლი „საბა” წარმოადგენს, რომელიც სამ გამარჯვებულს ელექტრონული წიგნებით დაასაჩუქრებს, ასევე მათ ტექსტებს წიგნის სახით გამოაქვეყნებს saba.com.ge-ზე. თიბისი ბანკის მხარდაჭერით კონკურსი პირველად თბილისის გარდა რეგიონებში – ქუთაისსა და ამბროლაულშიც ჩატარდება. მასში მონაწილეობის მიღების საშუალება ექნება ნებისმიერ მსურველს, რომელიც კონკურსის პირობებს დააკმაყოფილებს.

კონკურსში მონაწილეობისთვის საჭიროა   2018 წლის 16 აპრილამდე შეავსოთ სარეგისტრაციო ბლანკი. დამატებითი ინფორმაციისთვის დარეკეთ ნომერზე 032 2971618 ან მიწერეთ “წიგნიერის” facebook გვერდს

კონკურსი ჩატარდება 2018 წლის 23 აპრილს ერთდროულად სამ ქალაქში:

ა) თბილისი – საქართველოს პარლამენტის ეროვნული ბიბლიოთეკა (ლადო გუდიაშვილის 7)

ბ) ქუთაისი – ილია ჭავჭავაძის სახელობის სამეცნიერო ბიბლიოთეკა (ლილი ნუცუბიძის 1)

გ) ამბროლაური – მუნიციპალიტეტის მთავარი ბიბლიოთეკა (მერაბ კოსტავას 32)

 

კონკურსანტი თავად ირჩევს კონკურსში მონაწილეობის ადგილს.

გამარჯვებულები გამოვლინდებიან და დაჯილდოვდებიან საზეიმო ღონისძიებაზე 2018 წლის 15 მაისს.

 

კომენტარები

comments