პარასკევი, მარტი 29, 2024
29 მარტი, პარასკევი, 2024

მასწავლებლის ბიბლიოთეკის კიდევ ერთი ახალი წიგნი – “სწავლების ფსიქოლოგია”

მასწავლებლის პროფესიული განვითარების ეროვნულმა ცენტრმა, ჟურნალ “მასწავლებლის და ინტერნეტგაზეთ “mastsavlebeli.ge”-ს  ფარგლებში, მასწავლებლის ბიბლიოთეკის სერიით  კიდევ ერთი ახალი წიგნი –  “სწავლების ფსიქოლოგია” გამოსცა. წიგნის ავტორებია: მარიამ გოდუაძე და ცვატა ბერძენიშვილი.
სწავლების ფსიქოლოგია ცოდნის მიღებისა და ადეკვატური უნარ-ჩვევების გამომუშავების პროცესს სწავლობს. მის ამოცანას კი ამ პროცესის ბუნების, მახასიათებლების, ეტაპების, კრიტერიუმების, სწავლების დონისა და ხარისხის დიაგნოსტირების მეთოდების შემუშავება წარმოადგენს.
მნიშვნელოვანია, სწავლების დროს ბავშვის შემეცნებითი განვითარება განხილული იყოს სისტემატური სწავლების პირობებში. აქედან გამომდინარე მნიშვნელოვანია:
– შიდა და გარე ფაქტორების შესწავლა, რომლებიც განაპირობებენ შემეცნებითი საქმიანობის განსხვავებულობას სხვადასხვა დიდაქტიკურ სისტემებში;
– სწავლების მოტივაციური და ინტელექტუალური თანაფარდობის დადგენა;
– ბავშვის სწავლებისა და განვითარების პროცესების მართვის შესაძლებლობათა განსაზღვრა;
– სწავლების ეფექტურობის ფსიქოლოგიურ-პედაგოგიური კრიტერიუმების გამოვლენა და ა.შ.
პრაქტიკულ პედაგოგიკაში მნიშვნელოვანია ვუპასუხოთ კითხვას „როგორ?“
ამ სახელმძღვანელოს მთავარი მიზანი სწორედ ეს გახლავთ. ავტორები გვთავაზობენ აქტივობებს და მეთოდურ რეკომენდაციებს, რომელთა გათვალისწინებაც მასწავლებელს დაეხმარება სრულყოს სასწავლო პროცესი.

წიგნი საქართველოს ყველა სკოლას და საგანმანათლებლო რესურსცენტრს საჩუქრად გადაეცემა.

 

წიგნის რედაქტორები : ნატო ინგოროყვა, მანანა ბოჭორიშვილი, ნანა მაჭავარიანი

დიზანი : ბესიკ დანელია

 

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი