ევროკავშირის მიერ დაფინანსებული პროექტის ფარგლებში, განათლების განვითარების და დასაქმების ცენტრი შშმ პირთა უფლებების დაცვის თემაზე გამოცხადებული ჟურნალისტთა ნამუშევრების კონკურსში, ინტერნეტგაზეთ „mastsavlebeli.ge“-ზე გამოქვეყნებულმა სტატიამ და ავტორმა, თეონა ბექიშვილმა გაიმარჯვა.
კონკურსის მიზანი იყო შეზღუდული შესაძლებლობის მქონე პირთა უნიკალური შესაძლებლობების პოპულარიზაცია საზოგადოებაში, მათ მიმართ საზოგადოებაში არსებული სტიგმისა და დისკრიმინაციის შემცირება და ჟურნალისტთა პროფესიული სტანდარტის გაუმჯობესება შშმ პირთა საკითხებში.
კონკურსი ასევე ემსახურებოდა საზოგადოების ინფორმირებულობის დონის გაზრდას შშმ პირთა უფლებების გაეროს კონვენციის და მისი იმპლემენტაციის, საქართველოში მცხოვრები შშმ პირთა თანასწორუფლებიანობის უზრუნველყოფის (განათლება, დასაქმება, გარემოს ხელმისაწვდომობა და სხვა) კუთხით არსებული მდგომარეობის, საჭირობებისა და გამოწვევების შესახებ.
კონკურსი ოთხი გამარჯვებული ნომინაციის გამოვლენას ემსახურებოდა: 1. საუკეთესო სატელევიზიო გადაცემის ავტორი; 2. საუკეთესო რადიო–გადაცემის ავტორი; 3. საუკეთესო ბეჭდური მედია ნამუშევრის ავტორი; 4. საუკეთესო ინტერნეტ (ონ–ლაინ) მედია ნამუშევრის ავტორი.
2016 წლის 25 მარტიდან 2016 წლის 25 დეკემბრამდე პერიოდში, კონკურსის ფარგლებში 37–მა ჟურნალისტმა 77 ნამუშევარი წარმოადგინა, რომლებიც 5 მედია ექპერტით დაკომპლექტებულმა კომისიამ განიხილა და გამოავლინდა ოთხი გამარჯვებული შემდეგ ნომინაციაში:
საუკეთესო ინტერნეტ მედია ნამუშევრის ავტორად დასახელდა თეონა ბექიშვილი –ინტერნერ ჟურნალი maswavlebeli.ge
ღონისძიება ორგანიზებულია ევროკავშირის მიერ დაფინანსებული პროექტის „შეზღუდული შესაძლებლობების მქონე პირთა განათლების და დასაქმების თანაბარი შესაძლებლობების ადვოკატირება და ლობირება“ ფარგლებში.
ვულოცავთ თეონა ბექიშვილს წარმატებას და გამარჯვებული სტატიის ნახვა შეგიძლიათ აქ :
