ყველა მასწავლებლისათვის კარგადაა ცნობილი, რომ სწავლის შინაარსზე არანაკლებ მნიშვნელოვანია – როგორ, რა ხერხებით, რის მეშვეობით შეგვიძლია შევასწავლოთ მოსწავლეს ეს შინაარსი, ანუ რა და რომელი მეთოდები, რა სახის რესურსები უნდა გამოვიყენოთ ამისათვის.
გეოგრაფიის სწავლებისას უდიდესი მნიშვნელობა აქვს სხვადასხვა სახის თვალსაჩინოების გამოყენებას. მათ აქვთ, როგორც ვიზუალური, ასევე ინტელექტუალური დატვირთვა. ასეთი მასტიმულირებელი თვალსაჩინოებები იწვევს დადებით ემოციებს, რაც თავისთავად აისახება შედეგზე – იზრდება მოსწავლეთა აქტივობა გაკვეთილის პროცესში, რაც ხელს უწყობს სააზროვნო, საკომუნიკაციო უნარ-ჩვევების გამომუშავებას. თვალსაჩინოება ხელს უწყობს შესასწავლ საკითხზე კონკრეტული წარმოდგენის შექმნას და უზრუნველყოფს მოსწავლეთა გონებაში მათ ცოცხლად და ღრმად ჩაბეჭვდას, საფუძვლიანად გააზრებას.
გთავაზობთ რამდენიმე დავალებას, რომლიც შედგენილია სხვადასხვა სახის თვალსაჩინოების, კერძოდ კი ფოტოებისა და რუკების გამოყენებით. მსგავსი დავალებების შედგენა სხვადასხვა თემასთან თუ საკითხთან მიმართებაში თითოეულ თქვენგანს შეუძლია.
