თანამედროვე სამყარო ტექნოლოგიების წყალობით იმდენად შეიცვალა, რომ აზრის გამოხატვის ძველი ფორმები მოძველდა და მოსაწყენი გახდა; მაგალითად, თუ თქვენ აღმოაჩენთ, რომ რომელიმე ლექციაზე (ან კონფერენციაზე) ორატორი ტექსტს ფურცლებიდან კითხულობს, დიდი შანსია, რომ მას არ მოუსმენთ… აჩქარებულმა დრომ და ტექნოლოგიების განვითარებამ გააძლიერა ვიზუალური აღქმა, რაც ნიშნავს, რომ ინფორმაციის დიდ ნაწილს უფრო სწრაფად და ეფექტურად ვიღებთ გამოსახულებიდან (ფოტო, სლაიდი, ანიმაცია, გიფები…);
ამიტომ საჯაროდ გამომსვლელი პრეზენტაციისას უნდა ფლობდეს მულტისემიოტიკურ უნარებს, რათა შეძლოს მსმენელამდე აზრის ეფექტურად მიტანა.
პრეზენტაცია დროში შეზღუდულია, რაც ნიშნავს, რომ ყველაფერი, ამავე დროს, უნდა გამოიხატოს მოკლედ და ეფექტურად, რაც პრეზენტაციას ანიჭებს რეკლამურობას…
მულტისემიოტიკურობა – აზრის გადაცემის საუკეთესო საშუალებაა, რადგან მსმენელს აწვდის ინფორმაციას განსახვევბული კოდებით და საშუალებებით ერთდროულად.
ვერბალური, ვიზუალური, აუდიო-ვიდეო კოდებით თქვენ ქმნით ერთ ამბავს, ერთ ისტორიას – ეს ნამდვილი შემოქმედებითი პროცესია.
სწორედ ამიტომ ეფექტური პრეზენტაცია – არის საუკეთესო მულტისემიოტიკური რიტორიკული მოდელი, – ჩართოთ სამყარო თქვენს ქსელში!
გახსოვდეთ: წარმატებულ პრეზენტაციას შეუძლია შეცვალოს თქვენი ცხოვრება!
და კიდევ: დარწმუნებული ვარ, თითოეულ თქვენგანს, ვინც ახლა ამ ტექსტს კითხულობს, აქვს განსაკუთრებული იდეა, რომლის შესახებაც უნდა ვინმეს, ან სულაც, მთელს სამყაროს მოუთხროს!
როგორ ავაგოთ პრეზენტაცია?
ზოგიერთი რჩევა
- პრეზენტაციის შინაარსისა და სტრუქტურის განსაზღვრა; არგუმენტაციის მეთოდების შემუშავება;
- აუდიტორიის მოტივირება და ემოციის გამოწვევა
- რას ელოდებით აუდიტორიისგან პრეზენტაციის შემდეგ და
- რომელი მეთოდებით მიაღწევთ სასურველ შედეგს?
- გახსოვდეთ საყოველთაოდ ცნობილი ფაქტი, რომ ადამიანებზე ემოციური ზეგავლენა აღემატება ე.წ. ლოგიკურ ზეგავლენას;
- იფიქრეთ იმაზე, როგორ ჩართოთ პრეზენტაციაში ემოციები?
- შექმენით პრეზენტაციის მთავარი ამბავი, მეტაფორა, ისტორია (ფილმი)
- პრეზენტაცია საინტერესოა მაშინ, როცა ის ერთგვარი კინოფილმივით არის და ამ ფილმში მაყურებელი სრულად ჩართულია;
- შეარჩიეთ სიუჟეტი, რომელიც შეიძლება გამოიყენოთ თხრობაში და ამით თქვენი პრეზენტაცია ეფექტური გახადოთ;
- პრეზენტაციაში კოდების გადანაწილებით შექმენით ფილმის (ფილმის თრეილერის) დინამიური სიუჟეტი.
- პრეზენტაციის აგება პოზიტივზე
- აზრის პოზიტიურ გამოხატვაზე კონცენრტაცია აძლიერებს სასურველი შედეგის მიღებას;
- პოზიტიური აზროვნება ახდენს ენერგიის ტრანსფორმაციას;
- ვიზუალური ეფექტების შექმნა პრეზენტაციაში
- ვიზუალური მხარე არანაკლებ მნიშვნელოვანია ვერბალურზე;
- სწორად გაადაანაწილეთ სლაიდები, გააფორმეთ გრაფიკულად,
შეარჩიეთ ვიზუალური გამოსახულებები;
- პრეზენტაცია, როგორც რეკლამა
- მოკლედ და ლაკონურად აზრის გადაცემა მოითხოვს შემოქმედებითობას;
- რაკი პრეზენტაცია ჰგავს რეკლამას, უნდა გამოიყენოთ კარგი რეკლამისთვის დამახასიათებელი სემიოტიკური მოდელები;
- დაანთეთ“ ცეცხლი თვალებში“ და იყავით გადამდები პრეზენტაციისას
- ადამიანს ამოძრავებს ვნება და სურვილი; გამოავლინეთ ძლიერი ინტერესი იმის მიმართ, რასაც სხვებს უამბობთ;
- ენერგია, რომელიც თქვენს სიტყვებს მოჰყვება, ძალიან მნიშვნელოვანია: მან შეიძლება აანთოს ან ჩააქროს მსმენელი… „მოკლე ჩართვაც“ შეიძლება გამოიწვიოს… ამიტომ ფრთხილად, დანთებულ ცეცხლთან!
გისურვებთ წარმატებებს!
