ჩემთვის ტესტების შედგენა არც თუ ისე სასიამოვნო პროცესი იყო. მოსაბეზრებელი და ნაკლებ შემოქმედებითი მეჩვენებოდა. როდესაც ინტერაქტიულ გაკვეთილებს ატარებ (ყოველ შემთხვევაში ცდილობ), ასწავლი დიაგრამების ცხრილების, რუკების კითხვას, გაგებას, ანალიზს ვერ შემოიფარგლო მხოლოდ ცოდნაზე ორიენტირებული ერთქულიანი კითხვებით; რა, სად, როდის საკმარისი აღარ არის…
გთავაზობთ ტესტებს, რომლის გამოყენებაც სხვადასხვა საფეხურზეა შესაძლებელი, დავალებების გართულების ან გამარტივების შემთხვევაში.
- მოცემული დიაგრამის დახმარებით უპასუხეთ კითხვებს.
N ქვეყნის საგარეო სავაჭრო ბრუნვა
ა) ლურჯი დიაგრამა გამოსახავს N ქვეყნის ექსპორტს, წითელი – იმპორტს. რას გამოსახავს მწვანე დიაგრამა? დაასაბუთეთ თქვენი ვარაუდი.
ბ) რას უდრის N ქვეყნის სავაჭრო ბალანსი 2010 წელს? (აჩვენეთ გამოთვლა).
ამ დავალებით ვამოწმებთ ცოდნასაც და ანალიზის უნარსაც, რადგან იმისათვის, რომ მოსწავლემ პირველ შეკითხვას უპასუხოს, უნდა გაიხსენოს ვაჭრობასთან დაკავშირებით რა ტერმინები ისწავლა, გამოიყენოს ეს ცოდნა (შეასრულოს არითმეტიკული მოქმედება) და გაანალიზოს, რომელი მათგანი შეიძლება იყოს მწვანე დიაგრამით გამოსახული.
მეორე დავალება:
- გაანალიზეთ მოცემული ცხრილი, რომელიც ასახავს ქვეყნის მეურნეობის სტრუქტურას და ჩაწერეთ შესაბამისი ქვეყნები:
ა) მოზამბიკი; ბ) გერმანია; გ) ირანი.
| ეკონომიკის სექტორი | |||
| მრეწველობა | 21 % | 32 % | 34 % |
| სოფლის მეურნეობა | 45 % | 1 % | 21 % |
| მომსახურების სფერო | 24% | 67% | 45% |
დავლების შესასრულებლად ანალიზია სჭირო. მოსწავლემ მეურნეობის დარგობრივი სტრუქტურის ანალიზის შედეგად ერთმანეთს უნდა შეუსაბამოს მონაცემები და ქვეყნები.
მესამე დავალება:
- მოცემული ცხრილის გამოყენებით უპასუხეთ შეკითხვებს:
მოსახლეობის დემოგრაფიული მაჩვენებლები ‰
- ბუნებრივი მოძრაობის ყველაზე მაღალი მაჩვენებელია:
ა) 1960-1969 წწ; ბ) 1980 -1989 წწ; გ) 1990 -1999 წწ; დ) 2000 -2009 წწ.
- ბუნებრივი მოძრაობის ყველაზე დაბალი მაჩვენებელია:
ა) 1960-1969 წწ; ბ) 1980 -1989 წწ; გ) 1990 -1999 წწ; დ) 2000 -2009 წწ.
- რამდენი ბავშვი დაიბადა 2000-2009 წლებში თუ იმ პერიოდისთვის ქვეყანის მოსახლების რაოდენობა 5 მილიონს შეადგენდა?
- ახსენით ბუნებრივი მატების შემცირების სავარაუდო მიზეზები და განსაზღვრეთ ქვეყნის განვითარების დონე.
მოცემული ცხრილის მიხედვით შესრულებული დავალებები (1-ლი, მე-2 და მე-3) გადის გამოყენების დონეზე, ხოლო მე-4 დავალება ანალიზის დონეს ამოწმებს.
მეოთხე დავალება:
- მოცემული დიაგრამის საშუალებით უპასუხეთ შკითხვებს:
- რომელი ქვეყნები ლიდერობენ მშპ-ის მაჩვენებლის მიხედვით?
- რომელი ქვეყნები გამოირჩევა ურბანიზაციის დონით?
- ურბანიზაციის რომელი მახასიათებლით ლიდერობენ ეს ქვეყნები? ახსენით მიზეზები.
მეხუთე დავალება:
- მოცემული რუკის დახმარებით უპასუხეთ შეკითხვებს:
Facebook მსოფლიო რუკაზე
ა) რომელი რეგიონი გამოირჩევა Facebook-ის მოხმარების მაღალი მაჩვენებლით? ჩამოთვალეთ ამ რეგიონში შემავალი ქვეყნები.
ბ) ქვეყნები განათავსეთ ცხრილში და ახსენით, რა ურთიერთმიმართებაა განვითარების დონესა და სოციალური ქსელის გავრცელებას შორის. გამოიტანეთ დასკვნა:
| განვითარებული | გარდამავალი | განვითარებადი |
|
|
ამ დავალებით რუკაზე მუშაობის უნარიც მოწმდება და მოსწავლეებს უხდებათ ანლიზისა და შეფასების გაკეთება.
მეექვსე დავალება:
რომელ კლიმატურ სარტყელზეა საუბარი?
- ეს სარტყელი ჩრდილოეთით და სამხრეთით 65°-იან განედამდე. ხასიათდება ტემპერატურის მაღალი ამპლიტუდით (-7°- +17°) და ნალექების საშუალო წლიური რაოდენობით (600-1000 მმ). სარტყელში გამოიყოფა კონტინენტური (ნალექების მაქსიმუმი გამოიყოფა ზაფხულში, მინიმუმი-ზამთარში) და ზღვიური (მაქსიმუმი გამოიყოფა ზამთარში) ოლქი.
ამ დავალებას გთავაზობთ მე-7 კლასელებისთვის. მარტივი და მცირე ტექსტის ანალიზის შედეგად მათ უნდა გამოიცნონ, რომელ სარტყელზეა საუბარი.
კიდევ უამრავი განსხვავებული და საინტერესო დავალების შედგენა შეიძლება. ისე, რომ სწავლაც და შეფასებაც ფერადი და მიმზიდველი იყოს.
